Acha tumahray shehar ka dastoor ho gaya | Bashir Badr

 

اچھا تمہارے شہر کا دستور ہو گیا

Poet: Bashir Badr 

اچھا تمہارے شہر کا دستور ہو گیا
جس کو گلے لگا لیا وہ دور ہو گیا

کاغذ میں دب کے مر گئے کیڑے کتاب کے
دیوانہ بے پڑھے لکھے مشہور ہو گیا

محلوں میں ہم نے کتنے ستارے سجا دیئے
لیکن زمیں سے چاند بہت دور ہو گیا

تنہائیوں نے توڑ دی ہم دونوں کی انا
آئینہ بات کرنے پہ مجبور ہو گیا

دادی سے کہنا اس کی کہانی سنائیے
جو بادشاہ عشق میں مزدور ہو گیا

صبح وصال پوچھ رہی ہے عجب سوال
وہ پاس آ گیا کہ بہت دور ہو گیا

کچھ پھل ضرور آئیں گے روٹی کے پیڑ میں
جس دن مرا مطالبہ منظور ہو گیا
acha tumahray shehar ka dastoor ho gaya
poet : bashir badr
acha tumahray shehar ka dastoor ho gaya
jis ko gilaay laga liya woh daur ho gaya

kaghaz mein dab ke mar gaye keeray kitaab ke
deewana be parhay likhay mashhoor ho gaya

mehloon mein hum ne kitney setaaray saja diye
lekin zamee se chaand bohat daur ho gaya

tanhaiyon ne toar di hum dono ki anaa
aaina baat karne pay majboor ho gaya

dadi se kehna is ki kahani sunaaiye
jo badshah ishhq mein mazdoor ho gaya

subah visale pooch rahi hai ajab sawal
woh paas aa gaya ke bohat daur ho gaya

kuch phal zaroor ayen ge roti ke pairr mein
jis din mra mutalba Manzoor ho gaya