yun nah mil mujh se khafa ho jaisay

یوں نہ مل مجھ سے خفا ہو جیسے
ساتھ چل موج صبا ہو جیسے

لوگ یوں دیکھ کے ہنس دیتے ہیں
تو مجھے بھول گیا ہو جیسے

عشق کو شرک کی حد تک نہ بڑھا
یوں نہ مل ہم سے خدا ہو جیسے

موت بھی آئی تو اس ناز کے ساتھ
مجھ پہ احسان کیا ہو جیسے

ایسے انجان بنے بیٹھے ہو
تم کو کچھ بھی نہ پتا ہو جیسے

ہچکیاں رات کو آتی ہی رہیں
تو نے پھر یاد کیا ہو جیسے

زندگی بیت رہی ہے دانشؔ
ایک بے جرم سزا ہو جیسے

احسان دانش

yun nah mil mujh se khafa ho jaisay
sath chal mouj Saba ho jaisay
log yun dekh ke hans dete hain
to mujhe bhool gaya ho jaisay
ishhq ko shirk ki had tak nah barha
yun nah mil hum se kkhuda ho jaisay
mout bhi aayi to is naz ke sath
mujh pay ahsaan kya ho jaisay
aisay anjaan banay baithy ho
tum ko kuch bhi nah pata ho jaisay
hichikiyaan raat ko aati hi rahen
to ne phir yaad kya ho jaisay
zindagi beeet rahi hai دانشؔ
aik be jurm saza ho jaisay
ahsaan Danish