Shoq har rang raqeeb sir o saman nikla

شوق، ہر رنگ رقیبِ سر و ساماں نکلا
قیس تصویر کے پردے میں بھی عریاں نکلا

زخم نے داد نہ دی تنگیِ دل کی یارب
تیر بھی سینۂ بسمل سے پَرافشاں نکلا

بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا

دلِ حسرت زدہ تھا مائدۂ لذتِ درد
کام یاروں کا بہ قدرِ لب و دنداں نکلا

اے نو آموزِ فنا ہمتِ دشوار پسند!
سخت مشکل ہے کہ یہ کام بھی آساں نکلا

شوخیِ رنگِ حنا خونِ وفا سے کب تک
آخر اے عہد شکن! تو بھی پشیماں نکلا

دل میں پھر گریے نے اک شور اٹھایا غالبؔ
آہ جو قطرہ نہ نکلا تھا سو طوفاں نکلا

مرزا غالبؔ

shoq, har rang raqeeb sir o saman nikla
Qais tasweer ke parday mein bhi uryaan nikla
zakham ne daad nah di Tangi dil ki yarab
teer bhi seenah bismal se purafshaan nikla
boye Gul , naala dil, dod chairag mehfil
jo tri bazm se nikla, so pareshaa nikla
dil e hasrat zada tha Maida lazzat dard
kaam yaaron ka bah qdrِ lab o dandan nikla
ae no amooz fanaa hmtِ dushwaar pasand !
sakht mushkil hai ke yeh kaam bhi aasan nikla
Shokhi rang hina khon-e wafa se kab tak
aakhir ae ehad shikan! to bhi pasheman nikla
dil mein phir گریے ne ik shore uthaya غالبؔ
aah jo qatra nah nikla tha so tufaan nikla
Mirza غالبؔ