PARHIAY SABAQ YEHI HAI WAFA KI KITAAB KA

paḌhiye sabaq yahī hai vafā kī kitāb kā

kāñTe karā rahe haiñ ta.āruf gulāb kā

kaisā ye intishār diyoñ kī safoñ meñ hai

kuchh to asar huā hai havā ke ḳhitāb kā

ye tai kiyā jo maiñ ne junūñ tak maiñ jā.ūñgā

ye marhala aham hai mire iztirāb kā

maanā bahut hasīn thā vo umr kā paḌāv

qissa magar na chheḌiye ahd-e-shabāb kā

'az.har' kahīñ se niiñd kā ab kiije intizām

yūñhī nikal na jaa.e ye mausam bhī ḳhvāb kā

PARHIAY SABAQ YEHI HAI WAFA KI KITAAB KA

پڑھیے سبق یہی ہے وفا کی کتاب کا

کانٹے کرا رہے ہیں تعارف گلاب کا

کیسا یہ انتشار دیوں کی صفوں میں ہے

کچھ تو اثر ہوا ہے ہوا کے خطاب کا

یہ طے کیا جو میں نے جنوں تک میں جاؤں گا

یہ مرحلہ اہم ہے مرے اضطراب کا

مانا بہت حسین تھا وہ عمر کا پڑاؤ

قصہ مگر نہ چھیڑئیے عہد شباب کا

اظہرؔ کہیں سے نیند کا اب کیجے انتظام

یونہی نکل نہ جائے یہ موسم بھی خواب کا

PARHIAY SABAQ YEHI HAI WAFA KI KITAAB KA, Azhar Nawaz, Urdu Poetry, sad potery, Azhar Nawaz poetry,