Milte julte hain yahan log zarurat ke liye

milte julte haiñ yahāñ log zarūrat ke liye

ham tire shahr meñ aa.e haiñ mohabbat ke liye

vo bhī āḳhir tirī tārīf meñ hī ḳharch huā

maiñ ne jo vaqt nikālā thā shikāyat ke liye

maiñ sitāra huuñ magar tez nahīñ chamkūñgā

dekhne vaale kī āñkhoñ kī suhūlat ke liye

tum ko batlā.ūñ ki din bhar vo mire saath rahā

haañ vahī shaḳhs jo mash.hūr hai ujlat ke liye

sar jhukā.e hue ḳhāmosh jo tum baiThe ho

itnā kaafī hai mire dost nadāmat ke liye

-

vo bhī din aa.e ki dahlīz pe aa kar 'az.har'

paañv rukte haiñ mire terī ijāzat ke liye

ملتے جلتے ہیں یہاں لوگ ضرورت کے لئے

ہم ترے شہر میں آئے ہیں محبت کے لئے

وہ بھی آخر تری تعریف میں ہی خرچ ہوا

میں نے جو وقت نکالا تھا شکایت کے لئے

میں ستارہ ہوں مگر تیز نہیں چمکوں گا

دیکھنے والے کی آنکھوں کی سہولت کے لئے

تم کو بتلاؤں کہ دن بھر وہ مرے ساتھ رہا

ہاں وہی شخص جو مشہور ہے عجلت کے لئے

سر جھکائے ہوئے خاموش جو تم بیٹھے ہو

اتنا کافی ہے مرے دوست ندامت کے لئے

وہ بھی دن آئے کہ دہلیز پہ آ کر اظہرؔ

پاؤں رکتے ہیں مرے تیری اجازت کے لئے