Aankhon mein raha dil mein utar kar nahi dekha

آنکھوں میں رہا دل میں اتر کر نہیں دیکھا
کشتی کے مسافر نے سمندر نہیں دیکھا

بے وقت اگر جاؤں گا سب چونک پڑیں گے
اک عمر ہوئی دن میں کبھی گھر نہیں دیکھا

جس دن سے چلا ہوں مری منزل پہ نظر ہے
آنکھوں نے کبھی میل کا پتھر نہیں دیکھا

یہ پھول مجھے کوئی وراثت میں ملے ہیں
تم نے مرا کانٹوں بھرا بستر نہیں دیکھا

یاروں کی محبت کا یقیں کر لیا میں نے
پھولوں میں چھپایا ہوا خنجر نہیں دیکھا

محبوب کا گھر ہو کہ بزرگوں کی زمینیں
جو چھوڑ دیا پھر اسے مڑ کر نہیں دیکھا

خط ایسا لکھا ہے کہ نگینے سے جڑے ہیں
وہ ہاتھ کہ جس نے کوئی زیور نہیں دیکھا

پتھر مجھے کہتا ہے مرا چاہنے والا
میں موم ہوں اس نے مجھے چھو کر نہیں دیکھا

بشیر بدر

aankhon mein raha dil mein utar kar nahi dekha
kashti ke musafir ne samandar nahi dekha
be waqt agar jaoon ga sab choank parrin ge
ik Umar hui din mein kabhi ghar nahi dekha
jis din se chala hon meri manzil pay nazar hai
aankhon ne kabhi mil ka pathar nahi dekha
yeh phool mujhe koi waarsat mein miley hain
tum ne mra kaanton bhara bistar nahi dekha
yaaron ki mohabbat ka yaqeen kar liya mein ne
phoolon mein chupaya sun-hwa khanjar nahi dekha
mehboob ka ghar ho ke buzurgon ki zameenen
jo chore diya phir usay murr kar nahi dekha
khat aisa likha hai ke nageenay se jurey hain
woh haath ke jis ne koi zewar nahi dekha
pathar mujhe kehta hai mra chahanay wala
mein mom hon is ne mujhe chhoo kar nahi dekha
Basheer badar