Muhabbat karnay waly kam na hon gay

محبّت کرنے والے کم نہ ہوں گے !
تیری محفل میں لیکن ہم نہ ہوں گے​

میں اکثر سوچتا ہوں پُھول کب تک
شریک گریۂ شبنم نہ ہوں گے​

ذرا دیر آشنا چشم کرم ہے !
سِتم ہی عشق میں پیہم نہ ہوں گے​

دِلوں کی اُلجھنیں بڑھتی رہیں گی !
اگر کچھ مشورے باہم نہ ہوں گے​

زمانے بھر کے غم یا اِک تیرا غم
یہ غم ہو گا تو کتنے غم نہ ہوں گے

ہمارے دل میں سیل گریہ ہو گا !
اگر با دیدۂ پُرنم نہ ہوں گے​

اگر تو اتفاقاً مل بھی جائے
تِری فرقت کے صدمے کم نہ ہوں گے​

حفیظ اُن سے میں جتنا بد گُماں ہوں
وہ مجھ سے اِس قدر برہم نہ ہوں گے

حفیظ ہوشیار پوری

mohabbat karne walay kam nah hon ge !
teri mehfil mein lekin hum nah hon ge ?
mein aksar sochta hon phool kab tak
shareek giryaa shabnam nah hon ge ?
zara der aashna chasham karam hai !
sitam hi ishhq mein pihm nah hon ge ?
dilon ki Uljhanein barhti rahen gi !
agar kuch mashwaray baahum nah hon ge ?
zamane bhar ke gham ya ik tera gham
yeh gham ho ga to kitney gham nah hon ge
hamaray dil mein sale giryaa ho ga !
agar ba deedaa pur-nam nah hon ge ?
agar to itafaqan mil bhi jaye
tِri furqat ke sadme kam nah hon ge ?
Hafeez unn se mein jitna bad guman hon
woh mujh se iss qader barham nah hon ge
Hafeez hooshiyar poori