Gham ka elag dukh ka madawa karay koe

غم کا علاج، دُکھ کا مداوا کرے کوئی
جب خواب ٹوٹ جائیں تو پھر کیا کرے کوئی

سو سلسلے خیال کے، سو رنگ خواب کے
کچھ سوچ کر کسی کی تمنّا کرے کوئی

بُجھتی نہیں ہے پیاس کہ جانے کہاں کی ہے
پیاسی زمیں پہ ابر سا برسا کرے کوئی

آؤں جو ہوش میں تو مئے بے خودی وہ دے
گرنے لگوں تو مجھ کو سنبھالا کرے کوئی

یارانِ جان و دل کو کوئی جمع پھر کرے
جو بھی ہو جس کا حال، سنایا کرے کوئی

جب دل کو اشک و آہ کے ساماں نہ ہوں بہَم
اس بے کسی میں یاد نہ آیا کرے کوئی

کیا ہیں یہ لوگ اپنے شجر آپ کاٹ کر
دیتے ہیں پھر دُہائی کہ سایہ کرے کوئی

جو تِیرہ بخت ہے نہیں کھُلتی ہے اُس کی آنکھ
لاکھ آسماں سے روشنی لایا کرے کوئی

اس آدمی کے آپ مسیحا نہ ہوں اگر
کس میں ہے دم کہ اب اسے زندہ کرے کوئی

"ہے امن اس مکانِ محبت سرائے میں"
جب چاہے آئے شوق سے آیا کرے کوئی

وہ ہے طلسمِ خوابِ نظارہ کہ ایک بار
دیکھے اُسے تو بس اُسے دیکھا کرے کوئی

کر کے سپرد اک نگہۂِ ناز کو حیات
دنیا کو دین، دین کو دنیا کرے کوئی

چمکیں گے آسمانِ محبت پہ خود علیم
لفظوں کے ٹھیکروں کو ستارا کرے کوئی

عبید اللہ علیم

gham ka ilaaj, dukh ka madawa kere koi
jab khawab toot jayen to phir kya kere koi
so silsilay khayaal ke, so rang khawab ke
kuch soch kar kisi ki tamanna kere koi
bujhti nahi hai pyaas ke jane kahan ki hai
pyaasi zamee pay abr sa barsa kere koi
aon jo hosh mein to maizn be khudi woh day
girnay lagoon to mujh ko sanbhala kere koi
yaranِ jaan o dil ko koi jama phir kere
jo bhi ho jis ka haal, sunaya kere koi
jab dil ko asshk o aah ke saman nah hon baham
is be kisi mein yaad nah aaya kere koi
kya hain yeh log –apne shajar aap kaat kar
dete hain phir dahai ke saya kere koi
jo terah bikhat hai nahi khulti hai uss ki aankh
laakh aasmaa se roshni laya kere koi
is aadmi ke aap masiihaa nah hon agar
kis mein hai dam ke ab usay zindah kere koi
" hai aman is makaan mohabbat saraye mein "
jab chahay aaye shoq se aaya kere koi
woh hai Tilsam khuwab-e nzarah ke aik baar
dekhe ussay to bas ussay dekha kere koi
kar ke supurd ik نگہہ naz ko hayaat
duniya ko deen, deen ko duniya kere koi
chamkain ge Aasman mohabbat pay khud Aleem
lafzon ke ٹھیکروں ko sitaara kere koi
Abaid Allah Aleem