farz karo hum ehl e wafa hon farz karo deewanay ho

فرض کرو ہم اہلِ وفا ہوں، فرض کرو دیوانے ہوں

فرض کرو یہ دونوں باتیں جھوٹی ہوں افسانے ہوں

فرض کرو یہ جی کی بپتا جی سے جوڑ سنائی ہو
فرض کرو ابھی اور ہو اتنی،آدھی ہم نے چھپائی ہو

فرض کرو تمھیں خوش کرنے کے ڈھونڈے ہم نے بہانے ہوں
فرض کرو یہ نین تمھارے سچ مچ کے میخانے ہوں

فرض کرو یہ روگ ہو جھوٹا، جھوٹی پیت ہماری ہو
فرض کرو اس پیت کے روگ میں سانس بھی ہم پہ بھاری ہو

فرض کرو یہ جوگ بجوگ کا ہم نے ڈھونگ رچایا ہو
فرض کرو بس یہی حقیقت، باقی سب کچھ مایا ہو۔

ابنِ انشاء

farz karo hum ehley wafa hon, farz karo deewany hon
farz karo yeh dono baatein jhooti hon afsaanay hon
farz karo yeh jee ki bpta jee se jor sunai ho
farz karo abhi aur ho itni, aadhi hum ne chhupayi ho
farz karo tumhen khush karne ke dhoonday hum ne bahanay hon
farz karo yeh nain tumhare sach mach ke maikhanay hon
farz karo yeh rog ho jhoota, jhooti peet hamari ho
farz karo is peet ke rog mein saans bhi hum pay bhaari ho
farz karo yeh jog بجوگ ka hum ne dhong rachaya ho
farz karo bas yahi haqeeqat, baqi sab kuch Maya ho .
ibn-e Insha