Na sheesha NA Saghar Na Paymana banay

نہ یہ شیشہ نہ یہ ساغر نہ یہ پیمانہ بنے
جانِ میخانہ تری نرگسِ مستانہ بنے

مرتے مرتے نہ کبھی عاقل و فرزانہ بنے
ہوش رکھتا ہو جو انسان تو دیوانہ بنے

پرتوِ رخ کے کرشمے تھے سرِ راہ گذار
ذرّے جو خاک سے اٹھے ، وہ صنم خانہ بنے

موج صہبا سے بھی بڑھ کر ہوں ہوا کے جھونکے
ابر یوں جھوم کے چھا جائے کہ میخانہ بنے

کارفرما ہے فقط حُسن کا نیرنگِ کمال
چاہے وہ شمع بنے چاہے وہ پروانہ بنے

چھوڑ کر یوں درِ محبوب چلا صحرا کو
ہوش میں آئے ذرا قیس نہ دیوانہ بنے

خاک پروانہ کی برباد نہ کر بادِ صبا
عین ممکن ہے کہ کل تک مرا افسانہ بنے

جرعہء مے تری مستی کی ادا ہو جائے
موجِ صہبا تری ہر لغزشِ مستانہ بنے

اُس کو مطلوب ہیں کچھ قلب و جگر کے ٹکڑے
جیب و دامن نہ کوئی پھاڑ کے دیوانہ بنے

رند جو ظرف اٹھا لیں وہی ساغر بن جائے
جس جگہ بیٹھ کے پی لیں وہی میخانہ بنے

اصغر گونڈوی

nah yeh sheesha nah yeh saghar nah yeh pemana banay
jaan-e mekhana tri nargis mastana banay
martay martay nah kabhi Aqil o Farzana banay
hosh rakhta ho jo insaan to deewana banay
partu rukh ke krshme thay sar-e raah guzar
zarray jo khaak se utthay, woh sanam khanah banay
mouj Sehba se bhi barh kar hon sun-hwa ke jhonkay
abr yun jhoom ke chhaa jaye ke mekhana banay
karfrma hai faqat husn ka nearing kamaal
chahay woh shama banay chahay woh parwana banay
chore kar yun dar-e mehboob chala sehraa ko
hosh mein aaye zara Qais nah deewana banay
khaak parwana ki barbaad nah kar baad-e Saba
ain mumkin hai ke kal tak mra afsana banay
جرعہء me tri masti ki ada ho jaye
mojِ Sehba tri har laghzish mastana banay
uss ko matloob hain kuch qalb o jigar ke tukre
jaib o daman nah koi phaar ke deewana banay
rind jo zarf utha len wohi saghar ban jaye
jis jagah baith ke pi len wohi mekhana banay
asghar Gondvi