piar ki hr ik rsm k jo mtrook thi me ne jari ki Amir Ameer

پیار کی ہر اِک رَسم کہ جو مَترُوک تھی مَیں نے جاری کی

عِشق لِبادہ تن پر پہنا، اور مُحبت طاری کی

میں اب شہرِعِشق میں کُچھ قانون بنانے والا ہوں

اب اُس اُس کی خیر نہیں ہے، جِس جِس نے غدّاری کی

پہلے تھوڑی بہت محبت کی، کہ کیسی ہوتی ہے؟

پر جب اصلی چہرہ دیکھا میں نے تو پھر ساری کی

ہم سا ہو تو سامنے آئے،عادِل اور اِنصاف پسند

دُشمن کو بھی خُون رُلایا، یاروں سے بھی یاری کی

ایسا پیار تھا ہم دونوں میں کہ برسوں لاعِلم رہے

اُس نے بھی کِردار نِبھایا، میں نے بھی فنکاری کی

بات تو اتنی سی ہے، واپس جانے کو میں آیا تھا

سانس اُٹھائی، عُمر سمیٹی چلنے کی تیاری کی

۔۔۔۔۔۔۔۔۔۔۔۔۔عامر امیر۔۔۔۔۔۔۔۔۔۔۔۔۔

piar ki hr ik rsm k jo mtrook thi me ne jari ki

ishq libada tn pr pehna or mhobt tari ki

me ab shehr-e-ishq me kuch qanoon bnaney wala hu

ab us us ki kher nhi he jis jis ne ghaddari ki

pehle thori bohat mHbt ki k kesi hoti he?

pr jb asli chehra dekha me ne to phir sari ki

hm sa ho to samney aae adil or insaf psnd

dushmn ko bhi khoon rulaya, yaro se bhi yari ki

esa piar tha hm dono me k brso la ilm rhe

us ne bhi kirdar nibhaya, me ne bhi fnkari ki

bat to itni si he, wapis jane ko me aya tha

sans uthai, umr smeti chlney ki tyyari ki

------------Amir Ameer-----------